დედის სიმღერა

დედის სიმღერა ავტორი: აკაკი წერეთელი

ცხრა თვეს მუცლით გატარებდი,

“ვაით” გშობე, “უით” გზარდე,

და რად გიკვირს, ყოველს ქალზედ

უფრო დედას რომ უყვარდე?

ქალი მამას ქმარში გასცვლის,

ცოლი ქვრივი სხვას წაჰყვება;

მაგრამ დედას შვილის ტრფობა

სამარეში თან ჩაჰყვება!

ახლოს გული მისთვის უძგერს,

შორს მყოფს ფიქრით თავს ევლება:

უფიქრელად თავს შესწირავს, -

დედა თვის შვილს ენაცვლება!..

მაგრამ შვილი ხშირად დედას

გასცვლის ხოლმე საყვარელში!..

არ იცის, რომ მოტყუებულს

სხვისი სატრფო რჩება ხელში!..

მაგრამ ნება ბუნებისა

ეს არის და ასე იყოს:

დედამ უნდა შვილისათვის

თავის-თავი დაივიწყოს!..

რა მოგშორდი, შვილო, შემდეგ

შავი ფიქრი გულს მიბურავს...

ვაჰ, თუ გშია! ან გწყურია!

ან გცივა და არა გხურავს!

ეგებ გდიხარ ბრძოლის ველზედ,

გულს გასვია მტრის ისარი

და, რომ წყლული შეგიხვიოს,

დედა-შენი არსად არი!..

ვაი, თუ შენს ლამაზს თვალებს

ყვავი ჰკორტნის და ყორანი,

და უნაგრით უპატრონოდ

დაგხვიხვინებს თავს მერანი!..

ვაჰ, თუ შენსა ხუჭუჭ თმასა

ჩიტი ბუდეს შიგ უფენდეს?

მაშინ დედა-შენიც ჩიტად

გადაიქცეს, შენსკენ ჰფრენდეს!..

1875 წ.

აკაკი წერეთლის ლექსები

თვალს მიხვევენ... რაც არ იწვის, არ ანათებს... სანამ ვიყავ ახალგაზრდა... ღმერთო, წვიმა მოიყვანე ... ჩემო თავო, ბედი არ გიწერია... ავადმყოფი ავადმყოფი მგოსანი ალექსანდრე ჭავჭავაძის საფლავზედ აღმართ-აღმართ ახალი გზა ახალი სიმღერა გაზაფხული გაზაფხულის მაყრები განთიადი გაუბედავი სიყვარული გლეხის საჩივარი გოდება გორი გულის პასუხი გულის პასუხი დედის სიმღერა ვაჟა-ფშაველას ზღვაო, აღელდი, აღელდი! თქვენი ჭირიმე ილიას მოკვლის გამო იმერული ნანინა იმერული სიმღერა ინტერნაციონალი იუბილე მინდა რამ ვთქვა მომაკვდავის ფიქრები მუშის ნატვრა მუშური მუშური მუხამბაზი მუხამბაზი ნატვრა ობოლი პატარა მურია პოეტი რუსთველის სურათზე საიდუმლო ბარათი სალამური სალამური სატრფოს სიზმარი სიყვარული სულიკო სურვილი უკანასკნელი ლექსი ფუტკარი ქართველი ქალი ქებათა-ქება ქუთაისი ღამურა შიქასტა ჩანგური ჩემი თხა ჩემი სიმღერა ციცინათელა ძირს ძმობა, ერთობა და სიყვარული ჭაღარა ხალხური ხანჯალს ხარაბუზა და ფუტკარი ხატის წინ