- გუმორძგუას ულიმურ რინასი დო ხვამარდულ მშვიდობას.
- კოჩანაში ოღალით ვაშულადედა.
- გურს ქანჩინიშა გურ ველაფუდას.
- გურშა უგურეს ვაუქანჩუაფუდას.
- კვანწილს ოკვანწაიას კვანწილო გილოუკვანწუდას.
- გური დო შურიშ გოფშაფათ ვარდინაფუდას გური დო შური.
- სკან იღბალს დო ჭარას, სკანდა ვეგუნჯარებუდას.
- გომორძგუა გურიშგედვალას, გურიშ გედვალა, ცხვაბას კილოთი ათე ქიანაშ დუდი ღორონთი.
- ხეშგიოდვალს, ხეში გური ვაგწონდებუდას.
- ურთაფნერს, დიხაშ ბჟას, ჟინ ბჟაშ ნერი მოძინუდას.
- შური მიშამხენან თის შურით უპეულუდას, ონწეთ გოუმორძგვებდას.
- თოლიშ წვიან ოწონულირს ვაგუწკვისინუაფუდას.
- ვაგანწარებედა.
- ჩქინ ღურაშ უკული ჩქინი სახელი მიქით შინუას, თინეფც გოუმორძგუ ღორონთქ.
- ბჟა დო თუთაცალო იკორჩინედათ.
- ჩქინი სქუალენს გიმადირთუნი ფერ კოჩენს ჩქინი სოფელიშა მურთუმუდანი!
- მიარე გოითანუან არძას. წკონდა გურ დო ღიაბ რშიბუდანი. ქირსეშ მარდი თქვან ფანიეფც. სახათ დო ფენდა ვემერკებუდანი. ჟინიერიშ თოლც დუთხილუდათ. მიგახვამანთ უდიდაშ დღახუს. წიმი ულა, ველუდთუნ თი საქვარშე გომორძგუა რშიბუდანი.!(ზაალ ჯალაღონია)
