გახედე: კახეთი!
| გახედე: კახეთი! ავტორი: გალაკტიონ ტაბიძე |
| 1922 წელი |
გახედე: კახეთი! დამსკდარა ატამი.
რა მალე მოვიდა აგვისტოს პირველი.
გარეულ ჭალებში ტრიალებს ქათამი,
ჭაობში იხვია მოწყენით მზირველი.
პირველ სექტემბრიდან სასარაკ, სავათა,
იქ თმაზე მეტია გნოლი და კაკაბი.
თხუთმეტი: ახალი იმედის სათავე.
სადაც კი ნისლია და ტყეა საკაფი,
თოფის ხმა, კივილი სისწრაფით მტევარი:
“დაეწი, ალზორა”, და მიჰქრის მწევარი.
ალაზნის ველი ჩანს. დილაა მზიანი.
გარშემო ბურია ღამენათევარი.